Qazaqstan Respýblıkasy Úkimetiniń qaýlysy  №1165 

2015 jylǵy 31 jeltoqsan, Astana, Úkimet Úıi Qazaqstan Respýblıkasynyń halyqaralyq sharttaryna sáıkes satyp alynatyn taýarlardyń, jumystardyń, kórsetiletin qyzmetterdiń tizbesin bekitý týraly «Memlekettik satyp alý týraly» 2015 jylǵy 4 jeltoqsandaǵy Qazaqstan Respýblıkasy Zańynyń 39-baby 3-tarmaǵynyń 17) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Qazaqstan Respýblıkasynyń halyqaralyq sharttaryna sáıkes satyp alynatyn taýarlardyń, jumystardyń, kórsetiletin qyzmetterdiń tizbesi bekitilsin. 2. Halyqaralyq sharttarǵa sáıkes ýákilettik berilgen memlekettik organdar taýarlardy, jumystardy jáne kórsetiletin qyzmetterdi satyp alý úshin bólingen aqsha qarajatyn ońtaıly jáne tıimdi jumsalýyn baqylaýdy qamtamasyz etsin. 3. Osy qaýlyǵa qosymshaǵa sáıkes Qazaqstan Respýblıkasy Úkimetiniń keıbir sheshimderiniń kúshi joıyldy dep tanylsyn. 4. Osy qaýly 2016 jylǵy 1 qańtardan bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2015 jylǵy 31 jeltoqsandaǵy №1165 qaýlysymen bekitilgen Qazaqstan Respýblıkasynyń halyqaralyq sharttaryna sáıkes satyp alynatyn taýarlardyń, jumystardyń, kórsetiletin qyzmetterdiń tizbesi 1. Qyzmetiniń negizgi máni «Baıqońyr» ǵarysh aılaǵynyń ǵaryshtyq ınfraqurylym obektileriniń bazasynda ekologııalyq qaýipsiz jańa «Báıterek» ǵarysh zymyran keshenin qurý bolyp tabylatyn «Báıterek» Qazaqstan-Reseı birlesken kásiporny» aksıonerlik qoǵamy 2005 jylǵy 21 qazandaǵy Qazaqstan Respýblıkasynyń Zańymen ratıfıkasııalanǵan, 2004 jylǵy 22 jeltoqsanda jasalǵan Qazaqstan Respýblıkasynyń Úkimeti men Reseı Federasııasynyń Úkimeti arasyndaǵy «Baıqońyr» ǵarysh aılaǵynda «Báıterek» ǵarysh zymyran keshenin qurý týraly kelisimge sáıkes satyp alatyn taýarlar, jumystar men kórsetilgen qyzmetter: 1) «Báıterek» ǵarysh zymyran kesheniniń (budan ári – «Báıterek» ǴZK) quramynda paıdalaný boljanyp otyrǵan tehnıkalyq jáne ushý keshenderiniń jabdyǵyna tekseris júrgizý, bólshekteletin jabdyqtyń quramyn anyqtaý, jóndeý-qalpyna keltirý jumystarynyń kólemin anyqtaý; 2) «Báıterek» ǴZK quramynda paıdalaný boljanyp otyrǵan tehnıkalyq jáne ushý keshenderiniń qurylys konstrýksııalary men ınjenerlik-tehnıkalyq júıelerin zertteý; 3) «Báıterek» ǴZK-ge tehnıkalyq jobany ázirleý, jańa agregattar men ushý jáne tehnıkalyq keshender júıeleriniń jańalaryn jasaý jáne jumys istep turǵandaryn jetildirý jónindegi tájirıbelik-konstrýktorlyq jumystarǵa tehnıkalyq tapsyrmalar berý, ınvestısııalardy negizdeý úshin bastapqy derekterdi berý; 4) ushý jáne tehnıkalyq keshenderdiń, jerdegi jabdyq jınaqtarynyń, tekserý apparatýrasy men tasymaldaý quraldarynyń jańadan jasalatyn jáne jetildiriletin tehnologııalyq agregattary men júıelerine eskızdik jobalar men konstrýktorlyq qujattama shyǵarý; 5) tehnıkalyq tapsyrmalardy, baǵdarlamalar men ádistemelerdi ázirleý, «Báıterek» ǴZK quramynda paıdalaný boljanyp otyrǵan ushý jáne tehnıkalyq keshender jabdyǵynyń belgilengen kórsetkishterin uzartý jóninde jumys júrgizý, jóndeý-qalpyna keltirý jumystaryn júrgizý, qorytyndylar berý; 6) «Báıterek» ǴZK jumystarynda iske qosylmaǵan jabdyqty bólshekteý; 7) keshenniń qurylys bóligine bastapqy derekterdi berý, ushý jáne tehnıkalyq keshenderdi qaıta jańartýǵa arnalǵan ınvestısııalardyń negizdemesin ázirleý; 8) jobanyń jumys qujattamasynyń negizinde izdestirý jumystaryn júrgizý; 9) ushý jáne tehnıkalyq keshenderdi qaıta jańartý jónindegi qurylys-montajdaý jumystaryna arnalǵan jumys jobasyn ázirleý; 10) jetildiriletin jáne jańadan engiziletin tehnologııalyq agregattar men júıelerdiń, jerdegi jabdyq jınaqtarynyń, tekserý apparatýrasynyń jáne tasymaldaý quraldarynyń jabdyǵyn jasaý ári jetkizý; 11) tehnologııalyq agregattar men júıelerge arnalǵan paıdalaný qujattamasyn, jerdegi jabdyq jınaqtaryn, tekserý apparatýrasy men tasymaldaý quraldaryn shyǵarý, keshendi qujattamany shyǵarý; 12) tehnologııalyq jabdyqty jasaý jáne jetkizý; 13) qurylys jumystaryn júrgizý, ushý jáne tehnıkalyq keshenderde arnaýly tehnıkalyq júıelerdi montajdaý; 14) tehnologııalyq jabdyqty, jerdegi jabdyq jınaqtaryn, tekserý apparatýrasyn montajdaý; 15) iske qosý-jóndeý jumystaryn, ushý jáne tehnıkalyq keshenderdiń júıeleri men agregattaryn derbes jáne keshendi synaýlardy júrgizý; 16) «Báıterek» ǴZK úshin qazirgi «Baıqońyr» keshenindegi baılanys jáne telekommýnıkasııalyq qamtamasyz etý júıesin jete jaraqtandyrý; 17) «Báıterek» ǴZK ólsheý, aqparat jınaý jáne óńdeý quraldarynyń keshenin qurý; 18) temir joldardy qaıta jańartý; 19) ottegi-azot zaýytyn jáne zymyran otyn quraýyshtaryn saqtaý keshenin qaıta jańartý; 20) 11G141 jáne 11G12 maı quıý-beıtaraptandyrý stansııalaryn qaıta jańartý; 21) baǵdarlamalyq-ádistemelik jáne keshendi paıdalaný qujattamasyn ázirleý; 22) «Báıterek» GZK-niń ekologııalyq qaýipsizdigin qamtamasyz etý jónindegi jáne «Báıterek» ǴZK-ni qurý men paıdalaný kezinde zymyran tasyǵyshtan bólinetin bólikterdiń ushý trassalary men qulaıtyn aýdandaryn qamtamasyz etý jónindegi jumystar; 23) reglamenttik jumystardy, tehnıkalyq jáne ushý keshenderi jabdyǵyn, ólsheý, aqparat jınaý jáne óńdeý quraldarynyń keshenin, aıdaý blogyn jer ústi basqarý keshenin jáne «Báıterek» ǴZK ınfraqurylymynyń basqa da obektilerin ustaý jáne aǵymdaǵy paıdalaný jónindegi jumystardy júrgizý; 24) ǵaryshtyq maqsattaǵy zymyranmen jumystarǵa tehnologııalyq jabdyq daıyndaý; 25) tehnıkalyq jáne ushý keshenderindegi ǵaryshtyq maqsattaǵy zymyrandy jınaý jáne synaý jónindegi jumystardy qamtamasyz etý; 26) zymyran otynynyń quraýyshtaryn satyp alý jáne tasymaldaý; 27) iske qosqannan keıingi jóndeý-qalpyna keltirý jumystary; 28) «Báıterek» ǴZK-niń qurylys ǵımarattarynyń, tehnıkalyq jáne tehnologııalyq jabdyqtarynyń belgilengen kórsetkishteri men resýrsyn uzartý jónindegi jumystardy júrgizý. 2. Qyzmetiniń negizgi máni 2001 jylǵy 28 qarashadaǵy Qazaqstan Respýblıkasynyń Úkimeti men Reseı Federasııasynyń Úkimeti arasyndaǵy Gaz salasyndaǵy yntymaqtastyq týraly kelisim (budan ári – Kelisim) sheńberinde tabıǵı gazdy satyp alý onyń marketıngi, tasymaldaý jáne qaıta óńdeý bolyp tabylatyn «QazReseıGaz» birlesken kásiporny – jaýapkershiligi shekteýli seriktestigi Kelisimge sáıkes satyp alatyn taýarlar, jumystar jáne kórsetiletin qyzmetter: 1) Qarashyǵanaq ken ornynyń tabıǵı gazy; 2) Qazaqstan Respýblıkasynda tutynýǵa arnalǵan gazdyń kólemin qosa alǵanda, Reseı Federasııasynyń gaz óńdeý zaýyttarynda Qarashyǵanaq ken ornynyń tabıǵı gazyn tasymaldaý jáne óńdeý jónindegi jumystar men kórsetiletin qyzmetter; 3) Qazaqstan Respýblıkasynyń ishki naryǵyn aıyrbastaý operasııalarynyń sheńberinde basym qamtamasyz etý maqsatynda basqa kózderden alynatyn tabıǵı gaz jáne ony tasymaldaý jónindegi kórsetiletin qyzmetter. 3. Qazaqstan-Qytaı munaı qubyrynyń ekinshi kezeńin paıdalanýǵa berý maqsatynda júzege asyrylatyn Atyraý – Keńqııaq – Qumkól – Atasý – Alashankoý baǵyty boıynsha magıstraldyq munaı qubyrlary júıesin (budan ári – Atyraý – Alashankoý munaı qubyry) men olardyń obektilerin qaıta jańartý jáne salý úshin «Qazaqstan-Qytaı Qubyry» jaýapkershiligi shekteýli seriktestigi, «MunaıTas» Soltústik Batys Qubyrjol kompanııasy» aksıonerlik qoǵamy, «KazTransOıl» aksıonerlik qoǵamy 2007 jylǵy 18 tamyzda jasalǵan 2004 jylǵy 17 mamyrdaǵy Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy Munaı jáne gaz salasyndaǵy jan-jaqty yntymaqtastyqty damytý týraly negizgi kelisimge ózgerister engizý týraly hattamaǵa sáıkes qyzmettiń negizgi máni boıynsha satyp alatyn taýarlar, jumystar men kórsetiletin qyzmetter: 1) jobalyq-zertteý jumystaryn, avtorlyq qadaǵalaýdy, jobalyq jumystardyń saraptamalaryn qosa alǵanda, normatıvtik-tehnıkalyq qujattamaǵa sáıkes jobalyq-smetalyq qujattamany ázirleý; 2) zańnamada belgilengen tártippen tıisti memlekettik saraptamalardan ótken jobalyq-smetalyq qujattamada kózdelgen kólemde jáne mólsherde Atyraý – Keńqııaq – Qumkól – Atasý – Alashankoý baǵyty boıynsha magıstraldyq munaı qubyrlary júıesin salý jáne qaıta jańartý úshin qajetti taýarlar, jumystar men kórsetiletin qyzmetter: qubyr ónimi; tıekti armatýra; sorǵy jabdyǵy men agregattary; termoshógindi manjetter jáne oqshaýlandyrǵysh materıaldar; dánekerleý materıaldary men jabdyǵy; tazalaý qondyrǵylaryn iske qosý jáne qabyldaý kameralary; temir-beton buıymdary; metall prokaty jáne metall konstrýksııalary; elektr symdary; jyljymaly jáne turaqty dızeldi elektr stansııalary; katodtyq qorǵaý stansııalary; baqylaý, basqarý jáne derekter jınaý júıesiniń jabdyǵy; tehnologııalyq jabdyqqa arnalǵan blok bokstar; talshyqty-optıkalyq kabel; baılanys jabdyǵy; perımetraldy qorǵaý júıesiniń jabdyǵy; órtke qarsy dabyl jáne órt sóndirý júıesiniń jabdyǵy; kúsh jáne baqylaý kabelderi; munaıdyń mólsheri men sapasyn kommersııalyq esepteý toraptary; avtomattandyrylǵan synama alǵyshtar; joǵary voltty jabyq jáne ashyq taratýshy qondyrǵylarǵa arnalǵan elektr jabdyǵy; elektr transformatorlary; qysym rettegishter; tehnologııalyq fıltrler; arnaıy qorǵaý kıimi men aıaq kıim; janar-jaǵar maı materıaldary; AQP-ǵa arnalǵan arnaıy mashınalar, avtokólik tehnıkasy; magıstraldyq munaı qubyry obektilerin, joǵary voltty jelilerdi, joldardy, munaı aıdaý stansııalaryn, syrtqy elektrmen jabdyqtaýdy jáne sýmen jabdyqtaýdy, tehnologııalyq baılanys júıesin, munaı qubyryn baqylaý, basqarý jáne derekter jınaý júıesin salý; 3) jobalaýdy, taýarlardy (materıaldar men jabdyqtardy) jetkizýdi jáne munaı qubyry obektilerin salýdy basqarý jáne qadaǵalaý; 4) Atyraý – Keńqııaq – Qumkól – Atasý – Alashankoý baǵyty boıynsha magıstraldyq munaı qubyrlary júıesin jobalaýǵa, salýǵa jáne paıdalanýǵa berýge baılanysty konsýltasııalyq, onyń ishinde zań jáne qarjy kórsetiletin qyzmetteri. 4. Qyzmetiniń máni «Qorǵas» shekara mańy yntymaqtastyǵy halyqaralyq ortalyǵynyń qazaqstandyq bóliginiń ınfraqurylymyn qurý, damytý jáne jumys isteýin qamtamasyz etý bolyp tabylatyn «Qorǵas» shekara mańy yntymaqtastyǵy halyqaralyq ortalyǵy» aksıonerlik qoǵamy 2005 jylǵy 4 shildede jasalǵan Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy «Qorǵas» shekara mańy yntymaqtastyǵy halyqaralyq ortalyǵynyń qyzmetin retteý týraly kelisimge sáıkes satyp alatyn jumystar men kórsetiletin qyzmetter: «Qorǵas» shekara mańy yntymaqtastyǵy halyqaralyq ortalyǵynda memlekettik shekara arqyly ótetin arnaıy ótkeldiń qazaqstandyq bóligin jobalaý men salýǵa qajetti jumystar men kórsetiletin qyzmetter. 5. Qyzmetiniń máni topografııalyq-geodezııalyq jáne kartografııalyq jumystardy júrgizý bolyp tabylatyn Qazaqstan Respýblıkasy О́ńirlik damý mınıstrligi Jer resýrstaryn basqarý komıtetiniń «Qazgeodezııa» respýblıkalyq memlekettik qazynalyq kásiporny 2001 jylǵy 5 shildedegi Qazaqstan Respýblıkasy men Túrikmenstan arasyndaǵy Qazaqstan-Túrikmenstan memlekettik shekarasyn delımıtasııalaý jáne ony demarkasııalaý prosesi týraly shartty, 2001 jylǵy 16 qarashadaǵy Qazaqstan Respýblıkasy men О́zbekstan Respýblıkasy arasyndaǵy Qazaqstan-ózbek memlekettik shekarasy týraly shartty, 2002 jylǵy 9 qyrkúıektegi Qazaqstan Respýblıkasy men О́zbekstan Respýblıkasy arasyndaǵy Qazaqstan-ózbek memlekettik shekarasynyń jekelegen ýchaskeleri týraly shartty, 2001 jylǵy 15 jeltoqsandaǵy Qazaqstan Respýblıkasy men Qyrǵyz Respýblıkasy arasyndaǵy Qazaqstan-qyrǵyz memlekettik shekarasy týraly shartty, 2002 jylǵy 10 mamyrdaǵy Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy Qazaqstan-qytaı memlekettik shekara syzyǵyn demarkasııalaý týraly hattamany jáne 2005 jylǵy 18 qańtardaǵy Qazaqstan Respýblıkasy men Reseı Federasııasy arasyndaǵy Qazaqstan-reseı memlekettik shekarasy týraly shartty iske asyrý maqsatynda satyp alatyn jumystar men kórsetiletin qyzmetter: Qazaqstan Respýblıkasynyń shektes memlekettermen memlekettik shekara syzyǵyn delımıtasııalaý jáne demarkasııalaý (redemarkasııalaý) júrgizý úshin qajetti jumystar men kórsetiletin qyzmetter. Qazaqstan Respýblıkasy Úkimetiniń 2015 jylǵy 31 jeltoqsandaǵy №1165 qaýlysyna qosymsha Qazaqstan Respýblıkasy Úkimetiniń kúshi joıylǵan keıbir sheshimderiniń tizbesi 1. «Qazaqstan Respýblıkasynyń halyqaralyq sharttaryna sáıkes satyp alynatyn taýarlardyń, jumystardyń, kórsetiletin qyzmetterdiń tizbesin bekitý týraly» Qazaqstan Respýblıkasy Úkimetiniń 2011 jylǵy 31 qańtardaǵy № 56 qaýlysy (Qazaqstan Respýblıkasynyń PÚAJ-y, 2011 j., № 16, 189-qujat). 2. «Qazaqstan Respýblıkasynyń halyqaralyq sharttaryna sáıkes satyp alynatyn taýarlardyń, jumystardyń, kórsetiletin qyzmetterdiń tizbesin bekitý týraly» Qazaqstan Respýblıkasy Úkimetiniń 2011 jylǵy 31 qańtardaǵy № 56 qaýlysyna tolyqtyrý engizý týraly» Qazaqstan Respýblıkasy Úkimetiniń 2011 jylǵy 23 qyrkúıektegi № 1092 qaýlysy 3. «Qazaqstan Respýblıkasynyń halyqaralyq sharttaryna sáıkes satyp alynatyn taýarlardyń, jumystardyń, kórsetiletin qyzmetterdiń tizbesin bekitý týraly» Qazaqstan Respýblıkasy Úkimetiniń 2011 jylǵy 31 qańtardaǵy № 56 qaýlysyna tolyqtyrý engizý týraly» Qazaqstan Respýblıkasy Úkimetiniń 2013 jylǵy 2 tamyzdaǵy № 772 qaýlysy (Qazaqstan Respýblıkasynyń PÚAJ-y, 2013 j., № 43, 639-qujat).